Віншаванне з Днём настаўніка ад inspiration

Сцягнула з дазволу аўтара з Блога настаўнікаў Беларусі

Добры дзень у хату!

Ад нашага блога

Словы віншавання

Ўсім педагогам!

Але напачатку

Крыху інфармэйшн

(Я ж тыпа афіцыйна,

Ваша inspiration).

Хто такі настаўнік?

Што ў яго за свята?

Крыху абмалюю

Нашага брата.

У ложак ён кладзецца

З думкай пра урокі,

У галаве – паперкі,

Трэба здаць да сроку.

Яму не да сэксу,

Не да ўласных дзетак,

Бо у ягоным класе

Цяжкі ёсць падлетак.

Цешыцца зарплатай

Ён не паспявае, -

Розныя паборы

Грошы адбіраюць.

Божачка мой, божа

Як жа дачакацца

Часу, каб настаўнік

Пачаў паважацца!

Каб з усмешкай дзеці

Ў школе сустракалі,

Каб за ўсё на свеце

Нас не папракалі.

Свята ў нас, спадарства,

Дык святкуйма ў радасць:

Мозг хай не выносіць

Ніякая гадасць.

Ніякія рэформы

Няхай нас не зламаюць,

Хай самым добрым словам

Нас вучні ўспамінаюць.

Няхай у нашых сем’ях

Пануюць лад ды згода.

Віншую ўсіх, калегі!

(Ну, і сябе, з народам.)